0
چیرویَكی چوونی چه‌ن هاوریی بۆ ئاوایی قوروچیا
Saturday, 08 December 2012 11:30
چیرویَكی چوونی چه‌ن هاوریی بۆ ئاوایی قوروچیا
 
خانوادەی حسین پەناهی ، بە تەنیا نین هەموو ناوچەی لەیلاخ و گشت كوردستانتان لە تەكایە

.

لەم رۆژانە بە سەردانێك گەیشتمە ئاوایی قۆریچا لە ناوچەی لەیلاخ ئەو ئاواییە فكر بكەم 1200ماڵێكەو جەمعیەتی 6000هەزار نەفەرێك ئەبێت ، من بۆ یەكەم جارم بوو رویشتوومە ئەو ئاواییە ئەگەر چی بۆ خۆم خەڵكی ئەو ناوچەم بەڵام بەداخەوە لە بەر گیر و گرفتی ژیان و كەم تەرخەمی خۆیشم و نەزانین و كە م فامیشم قە د قە د ئەو ئاوایەم نەبینیبوو، من و 3 هاورێم كە هەموومان خەڵكی ئاوایی گەنجی لاێ قرۆەین قەرارمان دانیا بچن و سەردانێكی ئەو ئاوایە بكەن چۆن لەم ساڵانە فرە باسی خەڵكی ئەو ئاوایە و بە تایبەتی بنەماڵەی حسین پناهیمان ژنفتبوو، ئێمە لە جادەی نێوان سنەودێولان كە دەگاتە جادەكەێ قروچا لامان داوو كەوتینەە رێگا بۆ ئەو ئاواییە كە گەیشتینە بەرزای ئەو ئاواییە كە خۆیان پێ ئەیژن بان زیارەتان لە بەر بەرزای شوێنەكەمان هەموو ئاواییمان پێوە دیار بوو، چاوامان بە سەر هەموو ئاوایدا گێراو جوان جوان سیری ئەو ئاوایەمان كرد لە چوار دەووری ئەو ئاواییە پاسگا و پایەگای سۆپای پاستاران دانرابوو یەك بازرەسی لە نزیك ئاوایی كە خۆیان ناویان ناوە كالا قاچاق دانراوە پێم وایە زیاتر لە 500پاستار و بەسیج و هتد...یان دانابوو زۆر سێر بوو هەستت دەكرد ئەم ئاواییە موحاسرە كراوە لە لایەن رژیمەوە گەشت دەهات و دەچوو هەر كەسێكی غەریبە سەردانی ئەو ئاوایەی دەكرد دەبوایە كارتی شناسای و ناسنامەی پێ بووایەو ئەگەر بە شەۆ بماباتەە حەتمەن دەبوو كەسێكی خەڵكی ئەو ئاواییە وەك كەفالەت كەفالەتی بكردبایە و بیگوتایە كە ئەم شەۆ لە ماڵی ئێمە دەمێنێتەوە ،بە هەر حاڵ ئێمە خۆ كەسمان ناناسی كە گەیشتینە بازرەسی ناو ئاوایەكە سەربازێك هاتە پێشەوە كە پێم وایە تورك بوو بەڵام بە فارسی قسەی لە گەل ئێمە كرد ( كجا میری ،كارت شناسای ، و) ئێمە ش پێمان وت كاكە گیان ئێمە خەڵكی ئاوایی شاوانین و پارەمان لەلاێ كەسێكە لە قوریچا و دەچین لێ بستینینەوە ، كەوامان وت هێشتیان بچینە ناو ئاوای بەڵام بەو شەرتەی كە وەك پێمانی وت دەبێت لێرەوە بگەرێنەوە ، ئێمە كە گەیشتینە نێو ئاوایی یەكسەر لە دووكانێك لامان داو خاۆەنی دووكانەكە كە سوپەر ماركێتی هەبوو بێ ئەوەی ئێمە هیچ بێژین یەكسەر وتی ئەرێ برا ئێوە چۆن هاتنە ناو ئەم ئاوایە وادیارە غەریبن چۆن هێشتیان بێنە ژووروە ؟ ئێمەش وتمان ولا مامە گیان ناسیاومان لێرەیە دەچین بۆ ماڵیان بۆیە هێشتیان بینە ژوورەوە ، یەكسەر ئێمەش پرسیارمان لێ كرد مامە گیان باشە ئەوە بۆ وایە چۆن ئەبێت ئاوا بێت ئێمە 30ساڵە لەم وڵاتە دەژین شتی ئاوامان نەبینیوە جەریان چییە ؟ كابرای دووكاندا وتی كاكە گیان وازم لێ بێرن كاكە چیتان ئەوێت بیكڕن و بچن خۆاتان لە گەڵ بێت، ئێمەش خەرێك بوو دڵمان دەتۆقی بۆ ئەوەێ بزانین جەریان چییە ، بە هەر حاڵ یەواش یەواش رۆیشتین بۆ ناوەراستی ئاوایی كە خۆیان پێ ئەیژن بان پردەكە شوێنێكی زۆر خۆش بوو زۆر شلوق بوو هەموو جەوانەكان و خەڵك بە ئێواران دەهاتنە بان پردەكە و لەوێدا باسی ژیان و شتی خۆش و تا تاریكان بە دەوری یەكدا دەبوون ، ئێمە كەرۆیشتین هەموو خەڵك سەیری ئێمەیان دەكرد كە س نەیدەوێرا لەگەڵمان قسە بكات چۆینە بەر دووكانێك وەستاین كە تۆزقاڵێك لە شوێنەكانیتر شلوقتر بوو ، سیگارێمان كێشاو برێك شتمان سەند لە دووكانەكەدا كە كۆڕێكی باڵا بەرزی جوان شیرین هات بۆ لامان و سلاوی كرد و بەخێر هاتنی كردین و لێمانی پرسی كاكە گیان بەخیر بێن كارێكتان هەییە لێرە چاوەرێ كەسێكن ؟ بە قسە كردنیدا دیار بوو زۆر كورێكی باش بوو ئێمە ش لە وڵامیدا وتمان كاكە گیان وڵاهی ئەوەی راستی بێت ئێمە خەڵكی ئەم ناوچەین و زۆر جاران لە میدیاكانەوە باسی بنەماڵەی حسین پناهیەكانمان بیستووە هەر بۆیە ویستمان سەردانێكی ئەم ئاوایە بكەین و لە نزیكەوە بینان بینین و بیانناسین كۆرەكە زۆر برێك پەشووكا بەڵام دیار بوو برێكیش خۆشحال بوو تەعارفمانی كرد بووماڵەوە ووتی كاكە گیان ماڵی من لە گەرەكی شێعەكاندا كە خەڵكی ئاوایی پێ ئەیژن مەحەلەی كولیایەكان ، ئێمەش دیار بوو توزێك ترساین و نەترسیان بەڵام لە گەڵی رویشتین هەر چەند تا ئەو كاتە نە ئەو بڕوای بە ئێمە بوو نە ئێمەش بروامان بە ئەو بە هەر حاڵ ئێمە رووشتین بۆماڵەوەیان خۆی موجەرەد بوو لە ماڵی باۆكیدا دەژیا بەڵام ماڵێكی زۆر زۆر خنجیلانەو خۆشیان هەبوو دانیشتین لەماڵە بینیمان باۆكی و دایكی گەرانەوە دیار بوو لە شوێنی مەزراو شتی وابوون كە هاتنە ماڵەوە زۆر بە گەرمی بە خێر هاتنی ئێمەیان كرد، كۆری خاوەن ماڵەكە رووی لە باۆكی كرد وتی بابە گیان ئەم كۆڕانە هاو سەربازیم بوون خەڵكی شاری دێولانن و هاتوون بۆ سەردانی من باۆكیشی كە دیار بوو پیاوێكی لە سەر خۆ ئارام و روو خۆش بوو رووی لە ئێمە كرد بە خێرهاتنێكی گەرمی ئێمەی كرد و بەڵام لێرەدا رووی تێمان كردو وتی كۆرەكانم ببخشن زۆر لە كاتێكی خرابیشدا هاتوون ئەم چەند مانگە ئەم ئاوایە لە ژێر فشارێكی سەیردایە و نازانم كەێ ئەم نەهامەتیە لە كۆڵ ئەم بنەماڵە دەبێتەوە و چییان لێیان دەوێ باۆیكی كۆرەكە وای زانی كە كۆرەكەێ هەموو شتێكی بۆ ئێمە گێراوەتەوە بەڵام هەرچی كۆرەكە چاوی لێ داگرت تازە باسەكەێ دەست پێ كرد و بەلایەوە عەیبە بوو باسی نەكات ، ئێمەش كە تۆزقاڵێكمان دەزانی لە وەزعەكە ویستمان بیدوێنین و یەكسەر ئەو رەفیقەم وتی مامە گیان باشە بەراستی تاوانی كورد بوون و موخالفت كردن لە گەڵ ئەم رژیمە ئاوایە كە دەیكەن بەراستی شەرمە بۆ ئەم حكۆمەتە خۆا غەزەبیان لێ بگرێ و لەناویان ببات ، كە ئەمەی باس كرد كۆری ماڵەكە تۆزێك هات بە خۆێدا و وتی لێ گەرن باسەكە با خۆمان بە مانەوە مەشغۆل نەكەین دووای باسی دەكەین ، دیار بوو هێشتا كۆری ئەو ماڵە ساق نەبوو و بروای نەبوو بە ئێمە گۆمانی لێمان بوو كە داخۆا سە ربە ئیتلاعات نەبین ، نزیك بە نیو ساعەتێكی پێ نەچوو كە ئێمە چامان خۆارد و بڕێك شیرنی وتمان كاكە ئێمە زەحمەت كەم دەكەین و دەبێت تا شەۆ نەبووە بچینەوە چۆن قولیشمان داوە بە بازرەسیەكەی ناۆ ئاوایی كە دەبێت بچینەوە تا ئێوارە كاتمان هەییە كابرای خاۆەن ماڵ سوێندی خۆارد وتی نابێت بچنەوە كاكە ئێوە چەند ساڵە یەكترتان نەبینیوە ئێستە چۆن ئەچنەوە بە خۆا و بە پەیغەمبەر ناهێڵم بچنەوە ئەوەندە سوێندی خۆارد ناچار بووین قبۆڵی بكەین ئەگەر چی خۆیشمان پێمان خۆش بوو ئەمان ویست بمینینەوە ، كابرا تەلفوونی كرد بۆ پایەگاكەێ ئاوایی و بە تلفوون لەگەڵ كەسێك قسەی كرد زەمانەتی ئێمەی كرد كە بمینینەوە ،

شەۆ كە هات زۆر خۆش بوو كۆمەڵێك رەفێقی ئەو كۆرەهاتن بۆ لامان و دانیشتین و دەستمان كرد بە قسە كرد لە سەر ئەو وەزعە كە لە قۆریچادا بوو بەشێكیان نەیاندوێرا قسە بكەن و بەشێكیشیان كەم و كورت شتێكیان دەوت بەڵام لە نێو ئەو كوردانە كورێكیان یەكسەر نەترساو دەستی كرد بە قسە كردن و هندێ جنێوی داو باسی كرد بوومان وتی كاكە گیان ئەم ناوچەی وەكوو ناوچەكانی تری كوردستان كەمتر لە شۆرشی كوردستاندا بەشدار بوون و كەمترین پێشمەرگەێ هەییە هەر بۆیە بە دووای رۆیشتنی چەندین كەس لە جوانانی ئەم ئاوایە بۆ پێشمەرگایەتی ئێتر ئەم حكۆمەتە دەستی كرد بە گرتن و تۆقاندن و هەرەشەو گۆرەشە بە سەر خەڵكدا و دەستی كرد بە ئازار دانی خانەوادەكەیان بۆ ئەوەی كەس نەوێری بچیت بۆ پێشمەرگایەتی ، بۆ نموونە ماڵی كاك میرزا موحەمەد كە دوو كۆڕیان بە ناوەكانی ئەمجەد و رەفیق لە دەروەن و پێشمەرگەن لێرەوە دەستیان كرد بە گرتنی براكانیان وخۆشك و كەس و كارەكانیان كە هەر ئێستە لە خانەوادەی ئەوەان كە 6 برا ودوو خۆشك بوون یەكێیكان بەناوی كاك ئەنوەرحسین پناهییان گرتووە و كە پێشتر حۆكمی ئعدامی بوو بەڵام ئیستا 16ساڵ حۆكمی هەییەو ماوەی 6 ساڵە لە زینداندایە و برایكیتریان بە ناوی كاك ئەشەرەف حسین پناهی شەوێك لە رێگادا ئیتلاعات دایان لێ و شەهیدیان كرد و ئەفشینی برایان كە ساڵێك زیندانی كێشاوە و لە ژێر ئەشكەنجەدا چاوێكی لە دەست داوە و رامینی براشیان بو ماویک تەبعید كردووە بۆ هەمەدان و ئەمجەد و رەفێقیش كە 12ساڵێكە هانە دەرەوە و پێشمەرگەن هەر لە م بارەوە بۆمان باسی كرد و تۆزقاڵێكیش دڵی پڕ دەبوو و خەرێك بوو فرمێسك لە چاوی بیتەوە خوارەووە باسی ئەوەی كرد كاكە گیان ئەم وەزعە بۆ ئێمە خەڵكی ئەم ئاواییە قبۆڵ ناكرێت و خۆ نابێت بێ دەنگ بین و بێڵین ئەو خانەوادە ئاوا لێ بكەن ئێمە هەموو خەڵكی ئەم ئاواییە كەس و كاری یەكین و ئاموزاگ و كەسی یەكین هەر بوویە قەبۆڵی ناكەین لەم حكۆمەتە هارە ئاوامان بەسەر بێری و بوویە كە ئێمەش نارەزایەتی دەر دەردەبرین هەموومان دەگرن ، تا ئیستا زیاتر لە 50 نەفەریان تەنیا لە سەر ئەوەی ئەیژین كە كاك ئەنوەر بێ گۆناحەو ئازادی بكەن گرتووە و بەشێكیشمان زندانی كراویین بو ساڵ و دووساڵ و هەر زووخاوی هەڵرژاند ، ئێمەش برێك دڵ نەوایمان دایەوە و زۆر بە گەرمی پاڵپشتی خۆمان دەر بڕی و بەگشتی بە داخ بوونی خۆمان راگەیاند، ئێمەش داوامان لێ كردن كە ئەگەر دەكرێت ئێەم بەرن با چاوێكمان بە منداڵەكانی كاك ئەنوەر و باۆك ودایكی بكەوێت ، كە ئەمەمان وت یەكسەر یەكێك لەو كۆرانە هەستاوە وتی چی ئەیژی كاكە گیان ئەوە ئادرەسی ماڵەكەیان و خۆتان بچن سەردان بكەن كاكە مەگەر لە گیان خۆتان یاس بوون ، زۆر سەیر بوو زۆریش داوایان لێ كردین كە نەچین بۆ سەردانیان ئەگەر بچن دەتان گرن ، بەڵام ئێمە خۆ هیچمان نەكردبوو لە نێو خۆماندا قسەمان كرد و تمان كاكە گیان لە خرابترین حاڵەتیدا ئەمانگرن جا چیمان لێ دەكەن خۆ نامان كۆژن بەهە رحاڵ ساق بووینەوە كە بچین و سەر دانی ماڵی باۆكی كاك ئەنوەر بكەین ، ماڵی باۆكی كاك ئەنوەر لە پەنای سەدێك بوو لە سەر جادەكە ئەو شەقامە پێ دەوترا خیابان ئیمام شافعی وا بزانم ، كە گەیشتینە بەر ماڵیان بڕوا بكەن ماڵێكی سام ناك و زۆر تایبەتی بوو یان ئێمە دەترساین یان هەر خۆی ماڵەكە وابوو گەیشتینە بەرماڵ لە درگامان دا كابراێكی ریش سپی و سەر سپی و برو سپی هاتە و درگای لێ كردینەوە شێوەی باۆكی كاك ئەنوەر كە خەڵك بە میرزا موحەمەدیان ناۆ دەبرد زۆر شتێكی تایبەتی بوو زۆر خەمبار و لە هەمان كاتدا زۆر شاداب دیار بوو نازانم چۆن وەسفی بكەم بەلام زۆر تایبەتی بوو ، سڵاومان كرد و من رویشتمە پێشەوە وتم مامە گیان مێوانتان ناوێ بە دەنگێكی پر لە خەفەتەوە وتی قەدەمتان لە سەر چاوم من ماڵم نییە باوانەكانم درگاێ من قەد نەبستراوە لە سەر كەس فەرموون وەرنە ژوورەوە ، زۆرمان بەلاوە سەیر بوو چۆن ئاوا كە نامان ناسێت بەڵام بە گەرمی پێشوازی لێ كردین ، كە رویشتینە ژوورەوە ماڵێكی زۆر خۆش و قەدیمیان هەبوو لەگەل ژوورێكی مێواندا كە ئەو فەرمووی كرد كە بچینە ژووری مێوانەكان ، كە روشتینە ژووری مێوانەكان ماڵێك وەك هەموو ماڵەكان عادی بەڵام بە یەك جیاوازی زۆر رەسمی لێ هەڵواسرابوو رەسمی هەموو منداڵەكانی بە كۆر و كچەوە بە هەڵواسیبوو لە پەنای یەك زۆر سەیر بوو شتی وام نەبینیبوو تا ئەو كات ،توزێَكی پێ نەچوو داكی كاك ئەنوەر كە شەرافەت خانمی ناۆ بوو گەرایەوە ماڵ و ئەویش زۆر بە گەرمی بەخەێر هاتنی كردین ، پرسیارمان لێ كرد كە مامە گیان چۆن نەتپرسی ئێمە كین و چۆن هاتین و لە كوێیەوە هاتووین ؟ وتی كۆرەكانم بە خێر بێن ئێوە كە هاتنە بە ماڵەكەێ من خۆتان وتان مێوانتان ناوێ ئێتر من چۆن ئەو پرسیارانە بكەم هەر كەسێك هەن بەخێر بین و من تەنیا ئەتوانم خزمەتان بكەم ، براوا بكەن گەۆرەی لێ دەواری زۆر گەرم بوو بەڵام لە هەمان كاتیشدا زۆر ئازار چشتوو دیار بوو، ئێمەش خۆمان پێ ناساند و باسمان كرد كە چۆن هاتووین و بە چ مەبەستێك هاتووین بە ماڵی ئێوە ، یەكسەر دووبارە بەخیرَ هاتنی كردین ووتی كۆرەكان ماڵی ئێمە رۆژانە ئاوا زۆر كە س هاتۆ چۆ دەكەن و دین و دەرۆن خەڵكانێكی جۆراو جۆر بەشێكیان رەنگە دۆستی كۆرەكانم بن بەشێكیشیان نیشتمان پەروەرن و ئەو بارۆدۆخەی ئێمە دەزانن و دین سەردانمان دەكەن هەر بوویە هاتنی ئێوەش خۆشحالمان دەكات و دڵگەرمیان پێ دەبەخشێت و دەستی كرد بە قسە كرد لە سەر بارودۆخی خانەوادەكەیان و زۆر بە دڵ پڕیەوە باسی كرد كە من 6 كۆرم هەییە بەڵام ئێستە كەسم لە لا نەماوە و هەر كامەیان لە شێونێكن یەكیان بە تەواووی لێ سەندم و یەكێكیان لە زیندانە و ئەوانیتریش هەر كامەیان لەولاتێك و لە شارێكن كە بە داخەوە ناتوانم بیانبینم لە كاتی قسە كردنەكاندا دایە شەرافەت فرمێسك لە چاوەكانی دەهاتە خۆار و هەر ئاخی هەڵدەكێشا، زۆر ئێمەش دڵ پڕ بووین تا ئەو رادەیە كە ئێمەش دەستمان بەگریان كرد كاتێك باسی ئەشەرەفی دەكرد و باسی دووری كۆرەكانی دەكرد كە بەشێكیان ژنیان هێناوە و نە ژنیانم دیوە و نەمنداڵیان و باسی منداڵەكانی ئەنوەری بۆ كردین كە چەندین ساڵە لە نازی باۆكیان بێ بەشن و باسی ئازاری ئەفشین و كۆرەكانیتری ..........

بەڵام هەر لە نێو قسەكانیدا كە چاوی بە دایە شەرافەت دەكەۆت یەكسەر دەیوت نا رۆڵەكانم هیچ نییە دنیا هەر ئاوا نابێت من دڵنیام هەر دەیانبینینەوە و كاكە ئەنوەریش ئازاد دەبێت و ئێمەش رزگارمان دەبێت و ئە م فشارانەش لە سەر ئێمە كە م دەبێتەو ئێمە دەبێت قایم بین و خۆراگر خۆ هەر ئێمە نیین لەم كوردستانەدا هەزاران خانەوادە هە ن كە ئاوا ماڵ وێران بوون و كۆر و كچەكانیان دەربەدەر و شەهید كراوون ئێە دەبێت قایم بین ، دیار بوو ئەم قسانەێ لە بەر دڵی دایە شەرافەت دەكرد بۆ ئەوەێ كەم خەفەت بخۆات ئەگەر چی بۆ خۆیشی بەراستی قایم بوو و موحكەم ، ئێمەش زۆرمان لەگەڵیان قسە كرد و هەستاین هەر بەۆ شەۆە سەردانی ماڵكی كاك ئەنوەرمان كرد و لە نزیكەوە چاۆمان بە خێزانی و منداڵەكانی كاك ئەنوەركە دوو كچ و كۆرێكی هەییە بە ناوی میلاد و مە هتاب و مەهشید زۆر خۆێن شیرین و بەراستی بە تەربیت و عاق جوان دیار بوو چۆن پەروەردە كرابوون و لە چە خانەوادەیەك بوون لەگەڵ ئەوانیش زۆر قسەمان كرد خێزانی كاك ئەنوەر زۆر بە رۆحیەو زۆر خۆراگر دیاربوو ئەو دەستی بە قسە كرد كرد و وتی هیوادارم بە زووی باۆك و داكی ئەنوەر بە دیتنی شاد بنەوە و هەموو مندالەكانی وەك ساڵانی رابردوو لە دەووری یەك كۆ بنەوە و وە ك ساڵان شادی بە ختەوەری بگەرێتوە نێو ماڵی ئاغەم دیار بوو ئاغە مەبەسی باۆكی كاك ئەنوەر بوو كە هەموو خانەوادەكەیان پێ دەڵن ئاغە .

بە شوێن ئەو گشتە قسە كردنەلە گەڵ خانەوادەی كاك ئەنوەر كە بەراستی هەم ناخۆش بوو هەمیش تەجروبەێكی باش بوو شەوەكەێ بۆ خەۆتن ویتسمان بمینینەوە كە ئاغە پێمانی وت كە كاكە گیان تەلفوونم كردووە بۆ كۆرەكان بین بە دواتاندا دەتانبەنە ماڵێك بۆ خەۆتن چۆن لێرە چكۆلەیەو باشیش نییە لێرە بمێنەوە لە بەر ئەوەی لە ساعەت 10ی شەۆ بەۆلاوە حاڵەتێكی حكۆمەت نیزامی هەییە و نابێت كەس هاتوو چۆ بكات و ماڵی ئێمەش مانەوە بۆ ئێوە باش نییە توشی كێشەدەبن ، هەر لە م قسانە بووین كە 3 كەس خۆیان بە ژووردا كرد و سڵاوێكی گەرم و دەستی دایك و باۆكی كاك ئەنوەریان ماچ كرد و زۆر بە حۆرمەتەوە بەخێر هاتنی ئێمەیان كرد روویان لی َ كردنین كە كاكە گیان ماشینەكە ئامادەیەو لە خزمەتانداین فەرموون با بچین ئێمەش كە هەستاین دوای خۆا حافزی كردن و ماچ و موچ كردن لە گەل دایك و باۆكی كاك ئەنوەر هاتینە دەرەوە كە ویستمان سوواری ماشینەكە ببین باۆكی كاك ئەنوەر بانگی ئەو كۆرانەی كرد و پێیانی وت نەهێڵن تەلخیان لێ بچین و ئەمشەو خزمەتێكی باشینان بكەن ئەم كورانە مێوانی خۆمانن و لەلاێ كورەكانەوە هاتوون ، ئەمەێ وت ئێمە رێ كەۆتین ئەو كورانە زۆر كەسانێكی خۆش روو و ئازاو نەترس دیار بوون كە سوواری ماشینەكەن بووین نزیك بان پردەكە بووین ماشینێك بە شوێنماندا هات كە یەكێك لە و كورانە جنێوێكی دا و وتی هیچ نییە كورە مەترسن هیچیان پێ ناكرێت چی ئەتوانن بكەن جا ئێتر چی ماوە بیكەن پێمان بە هەر حاڵ ئێمە رووشتین بۆ گەرەكێتر و رووشتینە ماڵێك كە دیار بوو ماڵی باۆكی یەكێك لەو كورانە بوو رووشتینە ژوورەوە و ئە و ماڵەش زۆر بە گەرمی بە خێر هاتنی كردین و دووای ماوەیەكە كە دانیشتین یەكسەر كۆمەڵێك گەنجی خوێن گەرم و كورە خاسە هاتن بۆ لامان پێم وابێت 6 كەسێك دەبوون زۆر عاقڵ و بەراستی تێكۆشەر دیار بوون وایش دیار بوو بە عەمد بانگ كرابوون و حەزیان دەكرد بمانبینن بەڵام ئەوەش دیار بوو كە بە یەكەوە نەهاتبوون هەر كامەیان بە جیا هاتبوون بە هەر حاڵ دەستیان كرد بە قسە كرد بەشێكیان هاو كلاسی ئەمجەد و رەفیق بوون بەشێكێشیان رەفێقی منداڵیان بوون بەڵام دیار بوو زۆر ئەمجەد و رەفیقیان خۆش گەرەك بوو چوون هەمیشە لە قسەكانیاندا باسی ئەوانیان دەكرد و باسی ئازایەتی و پاكی و سەداقەتی ئەو دوو برایانە دەكرد و زۆیش شانازیان بە كاك ئەنوەرەوە دەكرد یەكێكیان دەیگوت خۆزگە من بوویام بە جێگای كاك ئەنوەر لە زینداندا بە گشتی زۆر هەستێكی پاكانەیان بوو ئێمەش زۆر بە گەرمی دڵ نەوایانمان دایەوە وپاڵپشتی خۆمانمان دووبارە بە وانیش راگەیاند كە خەم مەخۆن و دڵ گەرم بن و ئەوە هەموو خەڵكی ئەو ناوچەیە لە پشتانە و پاڵپشتی ئێوە و بنەماڵەی كاك ئەنوەر دەكەن و هتد.......

یەكێك لە و كەسانە تۆزێك بە دەم گلەیەوە باسی كرد وتی كاكە گیان بە داخەوە خەڵكی لاێ ئێمە زۆر كەم تە رخەمن و بێ ئاگاهن بەو مەسەلانە وەك شارە كورد نشینەكانی توركیە نیین كە ئەگەر لە خانەوادەیەك بەقومێت هەمووی بە هانایانەوە بچن و خەڵكی ئێمە تۆزێك ترسەنووكن و هەر خەریكی پارە كۆ كردنەوەن وكەس لە فكری شۆرش و خەبات كردندا نییەو ئەگەر خانەوادەیەكیش هەبێت وەك خانەوادەی حسین پەناهی ئاوایان لێ دەكەن چۆن بە تەنیان و كەس دیفاعیان لێ ناكات ئەمە جێگاێ داخەو خەفەتە بوو ئێمە دەی ئەگەر ئێمەش تا چەندە ئاوا لە ژێر ئەم فشارە بین هەموومان گیراوین زیندانیمان كێشاوە ، راستی دەكرد بە شێكی زۆری ئەو كورانە گیرابوون و یەك ساڵ و دوو ساڵ زندانی كرابوون زۆر ناخۆش بوو بە داخەوە بە شێكی قسەكانیان راست بوو بەڵام یەكێكیش لەو كۆرانە هەستا وتی من وا بیر ناكەمەوە خۆشبەختانە خەڵكی ئەم ناوچە زۆر بە باشی هاتن بە هانانی خانەوادەی حسین پناهیەوە ئەوە نییە هەموو كەس لە سەریان گیراوە و زیندانی كێشاوە ئەوە نییە لە شەهید كردنی كاك ئەشەرەفدا هەموو ناوچەكە و بەشێكی زۆری شارەكانیتریش هاتبوون ئەوە نییە ماڵی كاك ئەنوەر ئەم هەموو ساڵە چۆڵ نەبووە و هەمیشە مێوان و خەڵكی ئەم ناوچە سەردانیان دەكەن و ئەوە نییە كە ئەمجەد و رەفیق كە دە هاتنەوە بۆ ئەم ناوچەیە چۆن خەڵكی ئەم ناوچەیە پێشوازیان لێ دەكردن و ماڵ و ماشین و هەموو شتێكیان لە پێ دەدا نە نە من قبۆڵم نییە خەڵكی ئێمە زۆر وریا و هۆشیارن ئەگەر بە ئاشكرا ناتوانن بە ڵام هەمیشە پاڵپشتی ماڵ كاك ئەنوەریان كردووە و هەمیشە كومەكیان كردووە .

بەم شێوەیە تا ساعەت 3 شەۆ ئێمە دانیشتین و قسەو باسمان كرد و هەر كامەمان بە شێوەیەك باسی و رای خۆی دەربری بەڵام سەرجەم زۆر بە ئیرادە دیاربوون و زۆر بە گەرمی ئامادەی هەموو شتێك بوون بۆ فیداكاری و تێكۆشان ئیتر بە دەم قسەوە بەشێكیا ن رۆیشتن و بەشێكیان خەۆمان لێ كەۆت و ئاوا تا رۆژەوە بوو بەیانی زۆر بەگەرمی ئێمەیان بە رێ كرد لە پێش چاوی هەموو ئەو سەربازانەوە زیاتر لە 15 كەس لە و جوانانە لە گەڵمان هاتن تا لە ئاوایی دەر چووین .

لێرەدا بەم شێوەیە هاتنیەو كۆتای ئەم سەفەرەمان بەڵام ئەوەێ لێرەدا باسم كرد بەشێكی زۆر چكۆلەیە و دڵنیام زۆر كەس سەردانی خانەوەادەی حسین پناهی كردووەو رەنگیشە زۆر كەس بیهەوێت باسی بكات بەڵام بە هەر هۆیەك بێـت هێشتا نەیكردووە مەبەستی نووسینی من خستنە بەر چاوی گرفتاری و بەشێك لە و نەهامەتیانەیە كە بەسەر خانوادەی حسین پناهی هاتووە /

لێرەدا لە كۆتایدا وەك نووسەرێكی ئەم چیرۆكە داواكارم لە سەرجەم خەڵكی ناوچەی لەیلاخ و كوردستان بە گشتی دەكەم بەتایبەتی ئەو كەسانە كە بەراستی خۆیان بە تێكۆشەری كوردستان دەزانن بە بێ ئەوەی بیر لەوە بكەنەوە كە ئەم خانەوادەیە لە سەر كامە حزب ئاوایان بە سەر هاتووە و بە دڵێكی فەراوانەوە پاڵپشتی رۆحی و مەعنەوی ئەم خانەوادە بن كوردستان نموونەی وەها خانەوادەیكی زۆرە و بەڵام ئێستە خانەوادەی حسین پناهی لە ژێر فشاردان و پێویستیان بە یارمەتی و هاو پشتی هەییە .

من بۆ خۆم خەڵكی گەنجیم لێرەوە خۆم و هەموو كەس و كارەكەم ئامادەی هەموو هاوكاری و پاڵپشتیكین بۆ خانەوادەی حسین پناهی .

سەربەرز بن و شادی و بە ختەوەریم ئارەزووە بۆ ئەو خانەوادە بە ریزە و هیوای ئازادی كاك ئەنوەر دەخوازم

نووسەران : شیروان گەنجی . سروش گەنجی . بهرۆز خالدیان . فاتیح گەنجی و چەندین كەسیتر كە نەیان ویستووە لێرەدا ناویان بێت. 2012/11/

‌ • نوسه‌ر:شیروان گەنجی . سروش گەنجی . بهرۆز خالدیان . فاتیح گەنجی
4649جار بینراوه‌  ◊ کۆدی هه‌واڵ:1199
Share/Save/Bookmark