0
دانیشتنی هاوبەشی کۆمیتەکانی کۆمەڵە و حیزبی دیموکراتی کوردستان لە پارێزگای ئۆستفۆڵد لە وڵاتی نۆروێژ.
Thursday, 03 April 2014 09:04
دانیشتنی هاوبەشی کۆمیتەکانی کۆمەڵە و حیزبی دیموکراتی کوردستان لە پارێزگای ئۆستفۆڵد لە وڵاتی نۆروێژ.
 
ڕۆژی شەمە ڕێکەوتی ١٥ی٣ی٢٠١٤ی زایینی لە سەر داوای کۆمیتەی حیزبی دیموکراتی کوردستان

لە ناوچەی ئۆستفۆڵد کۆبوونەوەیەک لە نێوان کۆمیتەکانی حدک و کۆمەڵەی شۆڕشگیری زەحمەتکێشانی کوردستانی ئێران لە ئۆستفۆڵد پێکهات، کۆبوونەوەی دو کومیتە کاتژمێر ١٤ بەکاتی نۆروێژ دەستی پێکرد، پاش بەخێرهاتنی وەفدی خانە خوێ لە وەفدی میوان، لە لایەن دولایەنەوە باسێک لە سەر زەرەوورەتی دانیشتنەکان و تەوەرەی باسەکان کرا، هەر دولا لە کۆبوونەوەکەدا باسیان لە بەردەوامی پێوەندی دولایەن، هاوکاری زیاتر، کاری هاوبەش کرد، کە دولایەن بە هەست کردن بە زەروورەتی هاوکاری و کاری هاوبەش، بەڵینی دانیشتنی زیاتر و کاری هاوبەشی زیاتریان دا. کۆبوونەوە پاش ٢ کاتژمێر باسی چر و پڕ لە سەر بابەت گەلی جۆراو جۆر لە کەش و هەوایەکی دۆستانەدا کۆتایی بە کاری خۆی هێنا، وەفدی کۆمەڵە پێکهاتبوون لە هاوڕێیان، فەرهاد مینبەری بەرپرسی کۆمیتەی کۆمەلە لە ئۆستفۆلد، هاوڕێ جەمال میرزادە ئەندامی کۆمیتە، هاوڕێ ئەحمەد حوسەینی کادری چالاک و لە مێژینەی کۆمەڵە. وەفدی حیزبی دیموکراتی کوردستان بریتی بوون لە بەرێزان، کاک حەسەن غەمبار بەرپرسی کۆمیتەی حدک لە ئۆستفۆڵد، کاک نادر ئەمینی ئەندامی کۆمیتە، کاک یوسف پووری ئەندامی کۆمیتە.

 

کۆمەڵەی شۆڕشگێڕی زەحمەتکێشانی کوردستانی ئێران

کۆمیتەی ئۆستفۆڵد - نۆروێژ

‌ • نوسه‌ر:شۆڕشگێڕی زەحمەتکێشانی کوردستانی ئێران کۆمیتەی ئۆستفۆڵد - نۆروێژ
4785جار بینراوه‌  ◊ کۆدی هه‌واڵ:1900
Share/Save/Bookmark