0
چاوپێکەوتنی وەڤدی پێوەندییە نێونەتەوەییەکانی کۆمەڵه لەگەڵ نوێنەری فوڵک پارتی (پارتی خەڵک) سوێد
Thursday, 03 April 2014 08:52
چاوپێکەوتنی وەڤدی پێوەندییە نێونەتەوەییەکانی کۆمەڵه لەگەڵ  نوێنەری فوڵک پارتی (پارتی خەڵک) سوێد
 
رۆژی دووشەممه رێکەوتی ١٠ی مارس وەڤدی پێوەندییە نێونەتەوەییەکانی کۆمەڵه

له بینای پاڕڵمانی سوێد چاویان کەوت به بەڕێز ئیسماعیل کامیل پارلمانتار و نوێنەری فوڵک پارتی. وەڤدی کۆمەڵه پێکهاتبوو له هاوڕێیان ناهید بەهمەنی ئەندامی دەفتەری سیاسی و بەرپرسی پێوەندییە نێونەتەوەییەکانی کۆمەڵه و خەلیل عەبدوڵڵاهی بەپرسی پێوەندییەکانی کۆمەڵه له سوێد و تەوار مودریسی له کومیتەی ژنانی رۆژهەڵات له ستۆکهۆڵم. هەروەها له لایەن فوڵک پارتی سوێدەوه بەڕێز کاک ئیسماعیل کامیل ئەندام پاڕلمان و ئەندامی کومیسیۆنی سیاسەتی دەرەوەی سوێد بەشدار بوو.

 

لەم چاوپێکەوتنەدا هاوڕێیانی کۆمەڵه راپۆرتێکیان له سەر پێشێلکارییەکانی مافی مرۆڤی له لایەن رژیمی ئیسلامییەوە له کوردستان پێشکەش کرد. لەم راپۆرتەدا وڤدی کۆمەڵه تیشکی خسته سەر بەرزبوونەوەی رادەی ئێعدامەکان، بارودۆخی نالەباری بەندکراوانی سیاسی و مەدەنی، کوشتاری کۆڵبەرانی کورد له سەر سنوورەکان، کوشتنی خوێندکارانی کورد له زانستگاکان، کوشتن و پێشێلکردنی مافی ژنان و دۆخی نالەباری کرێکاران و قەیرانی ئابووری و بێکاری و هەژاری کە رژیمی ئێران خوڵقێنەر و پەرەپێدەرێتی. هاوڕێیانی کۆمەڵە لەم دیدارەدا جەختیان له سەر ئەمه کردەوه که وڵاتانی رۆژئاوا نابێ چاوپۆشی له بارودوخی مافی مرۆڤ له ئێران و کوردستان بکەن و نەیکەنه قوربانی پێکهاتن و سازانی خۆیان له سەر پڕۆژەی چەکی ناوکی رژیمی ئیسلامی.

له کۆتاییدا هەر دوو لا خۆشحاڵی خۆیان لەم دیداره دەربڕی و سوور بوون له سەر بەردەوامی و پتەوتر بوونی پێوەندییەکان.

 

نوێنەرایەتی پێوەندییه نێونەتەوەییەکانی کۆمەڵه – سوێد

 

 

‌ • نوسه‌ر:نوێنەرایەتی پێوەندییه نێونەتەوەییەکانی کۆمەڵه – سوێد
3717جار بینراوه‌  ◊ کۆدی هه‌واڵ:1897
Share/Save/Bookmark