0
دانیشتنی هاوبەشی رێبەری حدکا و حدک
Thursday, 13 December 2012 00:54
دانیشتنی هاوبەشی رێبەری حدکا و حدک
 
بروسکە ناوەندی هەوال : بە پێ ئەو هەوالانەی کە لە سایتەکانی سەر بە حدک و حدکا بلاو کراوەتەوە رۆژی چوارشەمە ١٢ی دیسامبری٢٠١٢ هەیئەتێکی پایە بەرزی حیزبی دێموکراتی کوردستانی ئێران

بە سەرپەرەشتی مستەفا هیجری سکرتێری ئەو حیزبە سەردانی حیزبی دێموکراتی کوردستانی کردوە و لە لایەن خالید عەزیزی سکرتێری حیزبی دیموکراتی کوردستان و ژمارەیەک لە ئە ئەندامانی رێبەری حدک پێشوازیان لێوە کراوە. بە پی ئەو هەوالانەی بلاو کراوەتەوە گرینگترین باسەکانی ئەم دانیشتنە دەربارەی مەسائیلی سیاسی کوردستان و ئێران و ناوچەکە و گرتنە بەری یەک هەلوێستی هێزە سیاسیەکانی کوردستان لە بەرانبەر رواداوەکانی ناوچە و بەتایبەتی لە بەرانبەر ئۆپوزسیۆنی ئێرانی دا و هەروەها هاو هەلوێستی لە کۆر و کۆمەلە نیونەتەوەیەکاندا بوە. بە پی هەوالی مالپەری کوردستان و کورد هەردوک لا روانین و خوێندنه‌وه‌ی لێک نزیک و له‌ زۆر بواردا وه‌ک یه‌کیان هەبوو  له‌ باره‌ی رووداو و ئاڵوگۆڕه‌ سیاسییه‌ گرنگه‌کانی کوردستان و ناوچه‌ و ئەمەیان  به‌ هۆکار و هانده‌رێکی باش زانی بۆ ئه‌وه‌ی له‌ کۆڕ و کۆمه‌ڵه‌ نیونه‌ته‌وه‌ییه‌کان و له‌ کۆڕ و کۆبوونه‌وه‌ی لایه‌نه‌ ئێرانییه‌کان و له‌به‌ره‌وڕووبوونه‌وه‌ له‌ گه‌ڵ پرسه‌ هاوبه‌شه‌کان، به‌ یه‌کده‌نگی و به‌ گوتار و هه‌لوێستی وه‌ک یه‌ک بێنه‌ مه‌یدان وهاوکاری و هه‌ماهه‌نگیی پێویست له‌ نێوانیان دا هه‌بێت. .ئەگەرچی مالپەری رەسمی حیزبی دێموکراتی کوردستان لە دارشتنی ئەم هەوالەدا ئاماژە بە ناوی لایەنەکەی دیکە ناکات و بە هاوریانی پێشو ناویان لێدەبات بەلام ئەم دانیشتنە و دانیشتنەکانی پێشو شیمانەی ئەوەی لێدەکرێت کە حدکا دەست لە داخوازی گۆرینی ناو لە لایەن حدک وە هەلبگرێت و ئەو لایەنە بەرەسمیەت بناسێت جێگای ئاماژەیە کە لە دانیشتنی رۆژی چوارەشەمەدا چەند کەس لە کەسایتەیە دیارەکانی ناو حدک بەدی ناکرێن  .  .

‌ • نوسه‌ر:بروسکە
1123جار بینراوه‌  ◊ کۆدی هه‌واڵ:1209
Share/Save/Bookmark