1
به‌شداری لەکونگره‌ی نوێنه‌رانی حیزبی سوسیالیسی سویس
به‌شداری کۆمه‌ڵه‌ی مافی مرۆڤی کوردستانی ئێران-ژنێڤ لەکونگره‌ی نوێنه‌رانی حیزبی سوسیالیسی سویس
Monday, 27 June 2011 02:12
به‌شداری کۆمه‌ڵه‌ی مافی مرۆڤی کوردستانی ئێران-ژنێڤ لەکونگره‌ی نوێنه‌رانی حیزبی سوسیالیسی سویس
 
له‌ ڕێکه‌وتی 26.06.2011، حیزبی سوسیالیستی سویس کونگره‌ی نوێنه‌رانی خۆی به‌ ئامادەبوونی وه‌زیری دادی سویس خاتوو سیمۆنیتا سومارۆگا له‌ شاری ئولتن به‌ست

.

لەسەربانگهێشتنی پێوەندییەکانی دەرەوەی حیزبی سووسیالیستی سویس، هەیئەتێکی کۆمەڵەی مافی مرۆڤی کوردستانی ئێران-ژنێڤ پێکهاتوو لە بەڕێزان: کەریم موحەمەدی، باران موحەمەدی، رحیم موحەمەدی و تەیموورئەلیاسی لەو کۆبوونەوەیە دا بەشداربوون.

لەو کونگره‌یه ‌دا چەندین بابەتی گرینگ کەوتنە بەر باس و لێکدانەوە و بڕیاریان لەسەر درا وەکوو: سیاسەتی دابەشکردنی دادپەروەرانەی داهاتی وڵات، پتەوکردنی پێوەندییەکانی حیزبی سوسیالیستی سویس و رێکخراوە مەدەنی و بیانییەکان، پرسی ئینتگراسیونی کۆچبەر و پەنابەران. شایانی باسە کە وەزیری داد و هەروەها بەڕێز کریستیان لوفرات لە باسەکانیاندا گرینگییەکی تایبەتیان بە پرسی ئینتگراسیونی کوچبەر و پەنابەران و پتەوکردنی پێوەندییەکانی حیزبی سووسیالیست لە گەڵ ئەو توێژانەی کۆمەڵگای سویسدا.

کۆمەڵەی مافی مرۆڤی کوردستان-ژنێڤ یەکێ لەو پێنج رێکخراوە بوو کە لە لە سەر گرینگی رۆڵی پەنابەر و کۆچبەران لە کۆمەڵگای سویس د اقسەیانکرد و وتارێک لەسەرکێشەی ئینتگراسیوون و کەمتەرخەمییەکانی سویس لەو بوارەدا لە لایەن کاک تەیموور ئه‌لیاسی یه‌وه‌ پێشکه‌ش کرا کەئاماژە بە گرینگترین خاڵەکانی دەکەین.

1- کێشەی فێربوونی زمان و نەبوونی بەرنامەیەکی توکمە و تەرخان نەکردنی بودجەیەکی کافی بۆ فێر بوونی یەکێ لە کۆسپە سەرکی یەکانی ئیتگراسیونن.

2- بەرەسمی نەناسینی دیپلومی پەنابەر و کۆچبەران کە لە وڵاتی خۆیان وەریانگرتووە، لەلایەن سویسەوە و یارمەتی نەدانی ئەو کەسانە بۆ تەواوکردنی خوێندنیان لەو بوارەی کە تێی دا پسپۆڕن.

3- جیاوازی دانان لە وەرگرتنی پەنابەر و کۆچبەران لە کار دا کە دەبێتە هۆی بێکاری رادەیەکی زۆر خەڵک و دابڕان لە هەڵسوورانی پیشەیی، هەر بۆیە رادەیەکی بەر چاوی بێکارانی سویس پەنابەر و کۆچبەرن.

4- سەبارەت بە پەنابەران ئاماژە بە ستەم و جیاوازی دانان و گرتن و راونانی پەنابەران لە لایەن وڵاتی خۆیانەوە کرا و لێرەش سویس کێشەکانیان پشتگوێدەخا و بەگوێرەی پێویست بە کێشەکانیان ڕاناگا.

5- ئینتگرەنەبوونی باوک و دایکانی منداڵانی بیانی لە سویس کاریگەری مەنفی و راستەوخۆی لە سەر منداڵان لە قوتابخانەدا هەیە.

کۆمەڵەی مافی مرۆڤی کوردستان – ژنێڤ بۆ هەر کام لەو خاڵانەی سەرەوە پێشنیاری گونجاوی پێشکەشکرد. شایانی باسە کە ئەم خاڵانە و رێگە چارەکان بە تێکڕای دەنگ لەلایەن بەشدارانەوە پەسەندکرا.

وه‌فدی کۆمه‌ڵه‌ی مافی مرۆڤ، له‌ په‌راوێزی کۆنگره‌که‌دا، له‌ گه‌ڵ چه‌ندین که‌سایه‌تی و پارلمانتێر ئاڵ و گۆڕی نه‌زه‌ری کرد به‌ تایبه‌ت له‌ گه‌ڵ خاتوو ماریا برناسکۆنی پارله‌مانتێر و سه‌رۆکی گرووپی پارله‌مانتارانی ژنانی سویس، به‌رێزان پیتر هۆگ سه‌رۆکی په‌یوه‌ندیه‌کانی ده‌ره‌وه‌ی حیزبی سوسیالیستی سویس، والتێر سوتێر ئه‌ندامی سه‌رۆکایه‌تی سوسیالیستی ئوروپا و خاتوو مونیکا سپرینگ ئه‌ندام په‌رله‌مانی کانتۆنی زوریخ و به‌رپرسی کۆمیته‌ی پێوه‌ندی یه‌کانی ده‌ره‌وه‌ی ئه‌و شاره‌. له‌ مه‌یانه‌ی ئه‌و چاوپێکه‌وتنانه‌دا، هه‌یئه‌تی کۆمه‌ڵه‌ی مافی مرۆڤ داوای گرتنی کۆنفرانسێکی له‌ سه‌ر دوایین پێشهاته‌کانی ڕۆژهه‌ڵاتی ناوه‌ڕاست و ڕه‌نگدانه‌وه‌ی له‌ سه‌ر پرسی کورد له‌ پارله‌مانی سویس کرد. به‌رپرسانی حیزبی سوسیالیست ئاماده‌گیی هاوکاری خۆیان له‌و پێوه‌ندی یه‌دا ڕاگه‌یاند.

 

 

کۆمەڵەی مافی مرۆڤی کوردستانی ئێران- ژنێڤ

 

 

 

‌ • نوسه‌ر:کۆمەڵەی مافی مرۆڤی کوردستانی ئێران- ژنێڤ
5371جار بینراوه‌  ◊ کۆدی هه‌واڵ:130
Share/Save/Bookmark

Kerriann
Wednesday, 27 July 2011 01:59
Such a deep aneswr! GD&RVVF