0
بەڕیوەچونی ڕێ‌و ڕەسمی ڕۆژی کۆمەڵە لە وڵاتی سویس +وێنە
Monday, 17 February 2014 11:26
بەڕیوەچونی ڕێ‌و ڕەسمی ڕۆژی کۆمەڵە لە وڵاتی سویس +وێنە
 
  بۆ ڕێز گرتن لە ٢٦ی ڕێبەندان ڕۆژی کۆمەڵە، ڕۆژی شەممە ٨ی مانگی فێبرییە ڕێ و ڕەسمێک لە شاری دولیکێن لە وڵاتی سوئیس بەڕێوە چوو.  

 

ئەندامان و لاینگرانی کۆمەڵە و بنەماڵەکانیان و هەروەها ژمارەیەک کەسایەتیی سیاسیی و مەدەنی بە گەرم و گوڕیەوە بەشداریان تێدا کرد.

 

ڕێ و ڕەسمەکە سەعات پێنج و نیوی ئێوارە لە لایەن هاوڕێ هەژار ئەحمەدی بەرپرسی کۆمیتەی کۆمەڵە لە سوئیس، بە سروودی بانگەواز سروودی کۆمەڵە دەستی پێکرد.

 

دواتر بۆ ڕێز گرتن لە گیانبەختکردووانی کۆمەڵە و بزووتنەوەی ڕزگاریخوازانە کوردستان، دەقیقەیەک بێدەنگی ڕاگیرا.

 

بێدەنگییەکە بە سروودێک شکێندرا و بە شوێنیدا هاوڕێ خالید حوسەین زادە ئەندامی کۆمیتەی ناوەندیی کۆمەڵە، پەیامی کۆمیتەی ناوەندیی کۆمەڵەی بە بۆنەی ٢٦ی ڕێبەندانەوە پێشکەش بە بەشداربووان کرد.

 

ئامادەکارانی ڕێ و ڕەسمەکە پەزیراییان لە بەشداربووان کرد و بەشی دووهەمی مەڕاسمەکە تەرخان کرا بۆ شایی و هەڵپەڕکێ.

 

لە بڕگەیەکی مەڕاسمەکەدا، کۆمیتەی کۆمەڵە وەک سوپاس و پێزانین، هەدیەی پێشکەش بە چەند کەس لە لاینگرانی کۆمەڵە کرد کە ئەرکی زۆریان لە بەرپا کردنی ئەو ڕێ و ڕەسمەدا وەئەستۆ گرتبوو.

 

مەڕاسمەکە هەتا سەعات ١٢ی شەو درێژەی کێشا و لە ناو ڕەزایەت و پێخۆش بوونی بەشداربوواندا کۆتایی پێهات.

 

کۆمەڵەی شۆڕشگێڕی زەحمەتکێشانی کوردستانی ئێران

 

کۆمیتەی سوئیس

 

٩ی فێبرییەی ٢٠١٤

 

‌ • نوسه‌ر:کۆمەڵەی شۆڕشگێڕی زەحمەتکێشانی کوردستانی ئێران کۆمیتەی سوئیس
1823جار بینراوه‌  ◊ کۆدی هه‌واڵ:1856
Share/Save/Bookmark