0
بەڕێوەچوونی رێوڕەسمی رێزگرتن له ٢٦ی ڕێبەندان رۆژی کۆمەڵه له وڵاتی فینلاند+ وێنە
Tuesday, 11 February 2014 10:12
بەڕێوەچوونی رێوڕەسمی رێزگرتن له ٢٦ی ڕێبەندان  رۆژی کۆمەڵه له وڵاتی فینلاند+ وێنە
 
ڕۆژی یەکی فێبرواری ٢٠١٤ بە بۆنەی ٢٦ی ڕێبەندان ساڵرۆژی ئاشکرا بۆنی خەبات و تێکۆشانی کۆمەڵە

لە نزیک شاری هێلسینکی رێوڕەسمێک بۆ رێز گرتن له رۆژی کۆمەڵه به بەشداریی ژمارەیەکی زۆر لە کوردانی شارەکانی نزیک هێلسینکی و ژمارەیەک لە ئەندام و لایەنگران و دۆستانی کۆمەڵە بەڕێوەچوو.

 

سەرەتا رێوڕەسمەکه به سروودی سروودی بانگەواز، سروودی رەسمی کۆمەڵه دەستی پێکرد و دواتر ساتێک بێدەنگی بۆ رێزگرتن له گیانبەختکردووانی کۆمەڵه و شەهیدانی خەباتی رزگاریخوازی و یەکسانیخوازی کوردستان راگەیەندرا. پاشان هاوڕێ جەعفەر مستەفا سوڵتانی بەم بۆنەوه له لایەن کومیتەی فینلاندەوه وتارێکی پێشکەش کرد. دواتر هاوڕێ سالار ئاشناگەر ئەندامی کومیتەی دەرەوەی وڵات، پەیامی کومیتەی ناوەندی پێشکەش به ئامادەبووان کرد. دواتر پەیامی حیزب و رێکخراوه سیاسییەکانی بەشداربووی ئەم بۆنەیه پێشکەش کرا.

بەشی دووهەمی بەرنامەکه بریتی بوو له بەرنامەی هونەری و شایی و هەڵپەڕکێ. ئەم بەشەش له رێوڕەسمەکه بە دەنگه به سۆزەکەی هونەرمەندی خۆشناوی کوردستان و پیشمەرگەی دێرینی کۆمەڵه کاک نەجمەدین غوڵامی رازایەوه. رێوڕەسمەکه له ناو شادی و دڵگەرمی و خۆشیی میوانان و بەشداربووان کۆتایی پێهات.

شایانی باسه ئەم حیزب و لایەنانەی خوارەوه بەشدارییان کرد و پەیامی پیرۆزباییان بەم بۆنەوه پێشکەش کرد:

حیزبی دیمۆکراتی کوردستانی ئێران

یەکیەتی نیشتمانی کوردستان

حیزبی دیموکراتی کوردستان

سازمانی دیموکراتی یارسان

سازمانی خەباتی ئیسلامی کوردستان

حیزبی شێوعی کوردستان

ئەنجومەنی ڕەوەندی کوردی لە فینلاند

 

کۆمەڵەی شۆڕشگێڕی زەحمەتکێشانی کوردستانی ئێران

کومیتەی فینلاند

 

 

 

 

 

 

 

 

‌ • نوسه‌ر:کۆمەڵەی شۆڕشگێڕی زەحمەتکێشانی کوردستانی ئێران کومیتەی فینلاند
1575جار بینراوه‌  ◊ کۆدی هه‌واڵ:1845
Share/Save/Bookmark