0
بانگەوازی ٣ رێکخراوی مەدەنی بۆ هاوده‌ردی له‌گه‌ل کۆڵبه‌رانی کورد
Saturday, 20 April 2013 01:47
بانگەوازی ٣ رێکخراوی مەدەنی بۆ هاوده‌ردی له‌گه‌ل کۆڵبه‌رانی کورد
 
٣ رێکخراوی مەدەنی و مافی مرۆڤی لە بانگەوازێکدا داوای هاوده‌ردی له‌گه‌ل کۆڵبه‌رانی کورد دەکەن . دەقی ئەم بانگەوازە لەخوارەوە هاتوە:

بانگه‌واز!

پارت و ڕێکخراوه‌ پێشکه‌وتن خوازه کان!

ناوه‌نده‌ کرێکاری و یه کسانی خوازه‌کان!

ڕێکخراوه‌کانی مه ده نی و مرۆڤدۆسته کان!

 

ساڵه‌هایه‌ هه‌موو جۆره‌ مافێک له‌ ئێران به‌ هۆی سیاسه‌ته‌ هه‌ڵه‌کانی کۆماری ئیسلامی پێشێل ده‌کرێت؛ له‌و چووارچێوه‌یه‌دا له‌ کوردستان کێڵگه‌کانی کشت و کاڵ ، له‌وه‌ڕگا و دارستانه‌کان به‌ شێوه‌یه‌کی به‌رنامه‌ بۆ ده‌ڕێژراو ئاگر ده‌درێت تا به‌و شێوه‌یه‌ بنه‌مای چۆکدادانی خه‌ڵکی ئه‌و ناوچانه‌ بێننه‌ ئاراوە.

نه‌بوونی سیاسه‌تی خۆڵقاندنی کار بۆ خه‌ڵکی ناوچه‌ سنووریه‌کان، ئه‌وان ناچار‌ ده‌کات بۆ بژیوی ژیانی ڕۆژانه‌ی خۆیان له‌ هه‌رێمه‌ سنووریه‌کان ده‌ست بده‌نه‌ کاری دژواری کۆڵبه‌ری.

له‌به‌رده‌وامی پیلانه‌کانی کۆماری ئیسلامی که‌ ڕه‌هه‌ندی زۆر مه‌ترسیداری گرتووه‌ته‌به‌ر، ڕۆژانه‌ ناوه‌نده‌کانی سه‌رکوتکه ری ڕژیم( سپای پاسداران، هێزه‌ ئینتزامیه‌کان و ده‌زگای دۆزگه ری) له‌ ناوچه‌ سنووریه‌کان کۆڵبه‌رانی کورد بێ هیچ دادگایی کردنێک ‌ له‌ ژێر ناوی قاچاخچی ده‌ده‌نه‌ به‌ر ده‌ستڕێژی گوله‌ و ده‌یان کوژن. له‌ کاتێکدا کاری ئه‌وان به‌سه‌رنجدان به‌و که ره سه یانه که به‌ کوڵ له‌سنوور ده‌یگویزنه وه‌ له‌ هیچ جێگایه‌کی یاسا گشتیه‌کانی ئێران وه‌ک تاوان ناودێر نه‌کراوە.

به‌و پێیه‌ کۆڵبه‌رانی ڕه‌نجده‌ری کورد که‌ خاوه‌نی هیچ خزمه‌تگوزاریه‌کی کۆمه‌ڵایه‌تی ( بیمه‌، خانه‌نشینی، مووچه‌ی بێکاری و بیمه‌ی ته‌ندرووستی) نین وه‌ک هه‌ژارترین چین له‌ کۆمه‌ڵگه‌ی ئێران دێنه‌ ژماردن و سه‌ره‌ڕای بنپێکردنی مافه‌کانیان، ته‌نیا به‌ تاوانی دابین کردنی بژیوی بۆ بنه ماڵه‌کانیان، به‌ گوله‌ی هێزه‌کانی کۆماری ئیسلامی گیانیان له ده ست ده ده ن.

له‌به‌ره‌به‌ری ئه‌وه‌ڵی مانگی مه‌ی ڕۆژی جیهانی کرێکار وێڕای پیرۆز کردنی ئه‌و ڕۆژه‌ له‌سه‌رجه‌م کرێکاران و ڕه‌نجده‌ران، داواکارین ئه‌وه‌ڵی مانگی مه‌ی ئه‌مساڵ وه‌ک ڕۆژی هاوده‌ردی له‌گه‌ل کۆڵبه‌رانی کورد ناوی لێ بنرێت.

کۆمه‌ڵه‌ی مافی مرۆڤی کورد

ڕێکخراوی مافی مرۆڤی کوردستان

چاودیری کوردوساید ( چاک - کۆمیته ی ڕۆژهه ڵات)

2013-04-18

 

‌ • نوسه‌ر:٣ رێکخراوی مافی مرۆڤ
3625جار بینراوه‌  ◊ کۆدی هه‌واڵ:1414
Share/Save/Bookmark