0
جیابوونه‌وه‌کان بێجگه لە ‌زیان هیچ سودێکیان‌ نه‌بووه؟‌
Sunday, 16 March 2014 09:34
جیابوونه‌وه‌کان بێجگه لە ‌زیان هیچ سودێکیان‌ نه‌بووه؟‌
 
ماوه‌یه‌که‌ باس له‌ یه‌کگرتنه‌وه‌ی دوو باڵی کۆمه‌ڵه‌ی شۆرشگێری زه‌حمه‌تکێشانی کوردستانی ئێران

و کۆمه‌ڵه‌ی زه‌حمه‌تکێشانی کوردستان ده‌کرێ و په‌یامێکی هاوبه‌شی کۆمیسیونی هه‌ر دوو لا به‌م بۆنه‌وه‌ ڕوو به‌ ڕای گشتی بڵاو کرایه‌وه‌‌:

کۆمەڵانی خەڵکی کوردستان، دۆستان و دڵسۆزانی کۆمەڵە! خۆشحاڵین کە لەلایەکی دیکەشەوە پێتان رابگەیەنین کە لە ماوەی چەند مانگی رابوردوودا ھەوڵێکی نوێمان بۆ یەکگرتنەوەی کۆمەڵە ھێناوەتە ئاراوە. لەراستیدا ئێمە ھەمیشە جیاییەکانی چەند سال لەوە پێشمان به‌ ناپێویست و بێ پاساو بوو و پێشمان وابوو بێجگە لە زیان ھیچ سوودێکی بۆ کۆمەڵە و بۆ کوردستان تێدا نەبووە.

ئه‌و په‌یامه‌ تا ئه‌و جێگایه‌ی جیابوونه‌وه‌ی کۆمه‌ڵه‌ی زه‌حمه‌تکێشان له‌ کۆمه‌ڵه‌ی شۆرشگێر به‌ ناپێویست و به‌ زیان بۆ کۆمه‌ڵه‌ و کوردستان داده‌نێ جێگای خۆشحالیه‌ و هه‌ر ده‌بێ واش بێ.

به‌ڵام ئه‌وه‌ی جێگای تێڕامان و قسه‌ لێکردنه، په‌یامه‌که‌ ته‌نیا ئاگاداریه‌که‌ و باس له‌ یه‌کگرتنه‌وه‌ی ئوه‌ دوو باڵه‌ ده‌کا‌ و رونی ناکاته‌وه‌ که‌ ئه‌وان له‌ سه‌ر چ بنه‌مایه‌ک یه‌کده‌گرنه‌وه‌.‌

له‌ لایه‌کی دیکەوە‌ کۆمه‌ڵه‌ لە ساڵی 1991 تا 2007 سێ جار‌ له‌ سێ قۆناغی جیا دا جیابوونه‌وه‌ی لێ که‌وتۆته‌وه‌ که‌چی په‌یامه‌که‌ ته‌نیا باس له‌ زیانی جیابوونه‌وه‌ی نێوا کۆمه‌ڵه‌ی زه‌حمه‌تکێشان و کۆمه‌ڵه‌ی شۆرشگێر ده‌کا، ئه‌مه‌ش واتای ئەوەیە که گوایا‌ جیابوونه‌وه‌کانی پێشوتر هیچ زیانێکیان به‌ کۆمه‌ڵه‌ و بە بزوتنه‌وه‌ی کوردستان نه‌گه‌یاندووه.‌‌

یه‌که‌م جار ڕەوتی کۆمۆنیزمی کرێکاری له‌ ژێر ناوی چه‌پ و راست و کۆمه‌ڵه‌ ناسیونالیسته‌ و کۆسپی سه‌ر رێگای چینی کرێکار، بۆ نێو حیزبی خۆی واته‌ حیزنی کۆمۆنیستی ئێران کۆمه‌ڵه‌ی دابشکرد.

دووهه‌م جیابوونه‌ه‌ی کۆمه‌ڵه‌ی شۆرشگێر له‌ ژێر ناوی پرۆژه‌ی ساخ بوونه‌وه‌ی کۆمه‌ڵه‌ له‌ قه‌واره‌ی حیزنی کۆمۆنیستی ئێران، به‌مه‌به‌ستی گێرانه‌وه‌ی کۆمه‌ڵه‌ بۆ‌ نێو کۆمه‌ڵگا و هه‌روه‌ها بۆ سه‌ر بنجوو بنه‌ما فکری و سیاسیه‌کانی پێشووی خۆی بووباره‌ کۆمه‌ڵه‌ دابشکرایه‌وه.

سێ هه‌م جار جیابوونه‌وه‌ی کۆمه‌ڵه‌ی زه‌حمه‌تکێشان له‌ کۆمه‌ڵه‌ی شورشگێر له‌ ژێر ناوی چاک سازی ته‌شکیلاتی و پاوان خوازی ده‌سته‌ڵات که‌ ده‌کرێ به‌ ده‌یان لاپه‌ره‌ له‌ سه‌ر هه‌ر سێکیان بنووسرێ هه‌ر کۆمه‌ڵه‌ دابش بووه‌،بێگومان هه‌ر سێک جیابونه‌وه‌ زیانێکی گه‌ره‌یان به‌‌ کۆمه‌ڵه‌ و به‌ بزوتنه‌وه‌ی چه‌پ و سوسیالیستی کوردستان گه‌یاند و کۆمه‌ڵه‌ و بزوتنه‌وه‌ی کوردستانیان کز و لاواز کرد که‌وایه‌ بۆچی ته‌نیا جیابوونه‌وه‌ی ئاخیر زیانیی بۆ کۆمه‌ڵه‌ و بۆ کوردستان بووه‌ ؟

ئه‌وانه‌ و کۆمه‌ڵێک پرسیاری دیکه‌ ، لێره‌ بۆیه‌ ته‌نیا ناوی کۆمه‌ڵه‌م هێناوه‌ چونکه‌ پێم وایه‌ بێجگه‌ی کۆمه‌ڵه‌ حیزبی کۆمۆنیست مانا و مه‌فوومێکی نه‌بووه‌ و نیه‌. هه‌ر چه‌ند خۆشم ئاگاداری مێژوه‌که‌ی ئه‌م حیزبه‌ هه‌م و ده‌زانم به‌ڵام ئه‌و په‌راگرافه‌ی سکرتێری یه‌که‌می حیزبی کۆمۆنیستی ئێرانیش له‌ خواره‌وه‌ وه‌کو خۆی به‌ فارسی ده‌نوسینه‌وه.

اشکال اصلی در این بود که‌ این حزب جدید (حیزب کۆمۆنیست) در ابتدای تشکیل خود از هیچ پایة اجتماعی و کارگری برخو‌دار نبود و حتی، به‌ دلائلی که‌ خاهیم دید، از روی آوری سیاسی کافی در میان بخش های وسیعی از چپ انقلابی ایران محروم ماند. مه‌قاله‌ی هاورێ عبدلای موهتدی افق سوسیالیسم چوار.

باشه‌ حیزبێک ئه‌وه‌ حاڵه‌ی هه‌بێ له‌ وڵاتێکی‌ پان و به‌رینه‌ی وه‌ک ئێران جێگه‌ و پێگه‌ی کۆمه‌ڵایه‌یه‌تی نه‌بێ، به‌ راستی ئه‌و حیزبه‌ چی لێ ساخ ده‌کربێته‌وه؟ چۆن ده‌کرێ بڵێی هێزێکی وه‌ک کۆمه‌ڵه‌م له‌و حیزبه‌ ساخ کردۆته‌وه‌، من ناوی پرۆژه‌ی ساخکردنه‌وه‌ی کۆمه‌ڵه‌ له‌ حیزب کۆمۆنیست به‌ ناپێویست ده‌زانم و هه‌موو جیابوونه‌وه‌کانی کۆمه‌ڵه‌ له‌ کۆمه‌ڵه‌ بووه‌ و له‌و باره‌وه‌ هێنانه‌ گۆرێ حیزبی کۆمۆنیست بێنویه‌کی زه‌ق و حاشا هه‌ڵنه‌گره‌. بۆ ئه‌وه‌ش قسه‌ و مه‌قاله‌ی سکرتێری یه‌که‌می حیزبی کۆمۆنیست که‌ هه‌ر خۆشی پرۆژه‌ی ساخ کردنه‌وه‌ی کۆمه‌ڵه‌ی له‌ حیزب هێنایه‌ گۆرێ لێ ده‌که‌‌ینه‌ به‌ڵگه‌ بۆ ئه‌وه‌ی بزانین چۆن ده‌کرێ رێکخراوێکی وه‌ک کۆمه‌ڵه‌ له‌ وه‌ها حیزبێک ساخ کرێته‌وه؟‌

جگه‌ له‌وه‌ش ئه‌و خه‌ڵکه‌ی ئێستا له‌ ئوردووگای زڕگوێز ده‌ژین هه‌موویان پێسمه‌رگه‌ی کۆمه‌ڵه‌ن و له‌ چالاکیه‌ جۆراوجۆره‌کانیان دا به‌ هه‌مان هونراوە و سروودی پێشوی کۆمه‌ڵه‌ ڕێز له‌ ڕێبه‌رانی پێشو و گیان به‌خت کردوان و رۆژی پێشمه‌رگه‌ و هه‌روه‌ها رۆژی ئاشرا بوونی کۆمه‌ڵه‌ ده‌گرن. چۆن ده‌کرێ ناوی کۆمه‌ڵه‌یان لێ بسڕیه‌وه‌ و نازناوی حیزبی کۆمۆنیستیان پێوه‌ بلکێنی؟ ئه‌وش له‌ کاتێکدا خۆت پێتوابێ حیزبی کۆمۆنیست بێجگه‌ له‌ ناو هیچی تر نیه.‌

ئێستا که‌ باس له‌ پرۆژه‌ی یه‌کگرتنه‌وه‌ی دوو باڵی کۆمه‌ڵه‌ی شۆرشگێر و کۆمه‌ڵه‌ی زه‌حمه‌تکێشان ده‌کرێ بێگومان خه‌ڵکی به‌ په‌رۆش بۆ کۆمه‌ڵه‌ قه‌ت حه‌زیان له‌ له‌ت له‌ت بوون و پرژو بڵاوی و کز و لاوازی کۆمه‌ڵه‌ نه‌بووه‌ و نیه‌. هیوایان به‌ کۆمه‌ڵه‌یه‌کی به‌ هێز و ‌یەکگرتوو و بێ کێشه‌‌یه.‌. که‌وابوو یه‌کگرتنه‌وه‌ی ئه‌و دوو باڵه‌ش نابێ له‌ سه‌ر بنه‌مای رازیبوونی دوو سه‌رکرده‌ یان کۆمیته‌ی ناوه‌ندی دوو لایه‌ن بێ، له‌ سه‌ر بنه‌مای سیاسه‌تی هه‌ڵه‌ی ئه‌و چه‌ند ساڵه‌ی رابوردوو بێ، که‌ زۆر جار له‌گه‌ڵ ناره‌زایه‌تی خه‌ڵک ڕوبه‌ڕوو بۆته‌وه‌ به‌ڵکو ده‌بێ ئا‌شکرا و له‌ سه‌ر بنه‌مای شه‌فافێه‌تی سیاسی و هه‌روه‌ها له‌ سه‌ر بنه‌مای داڕشتنه‌وه‌ی سیاستێکی ده‌رست، و به‌رنامه‌ و پێره‌وێ ناوخۆ و رێز گرتن له‌ بۆچوونی جیاواز و کپ نه‌کردنی ده‌نگه‌کانی ناڕازی و هه‌روه‌ها له‌ سه‌ر بنه‌مای بەرژه‌وه‌ندی خه‌ڵکی کرێکاران و هه‌ژاری کوردستان بێ، ئه‌وکات ده‌کرێ بڵێی یه‌کگرتنه‌وێکی سه‌ر که‌وتوو دڵخۆش که‌ر ده‌بێ بۆ خه‌ڵک.

حاجی تاوانی

١٢/٣/٢٠١٤

 

 

 

‌ • نوسه‌ر:حاجی تاوانی
3902جار بینراوه‌  ◊ کۆدی هه‌واڵ:1880
Share/Save/Bookmark