0
ئەگەر بار کەی برۆی
Wednesday, 15 January 2014 11:42
ئەگەر بار کەی برۆی
 
  ئەگەر بار کەی برۆی

جەڵتەی گول لێمدەدا

کارەبای وەنەوشە دەمگرێ

دلم پڕ دەبێ لە سووتووی دابڕان.

 

ئەگەر لێرە برۆی

ئەم ناوە دەبێ بە مەیدانی مەراق

وڵات پڕ دەبێ لە دووپشکە ڕەشە

جەجاڵ هەلدەستێ

نیشتمان دەبێ بە عەقلی سلیکۆن.

 

ئەگەر سەفەر بکەی

بانۆفەکان دەبن بە توونێڵی مەرگ

گلایسەکان پڕ دەبن لە بێچووە فێڵی زۆڵ

لە فەرخە پەیوەندی حەرام.

 

 

ئەگەر ئێرە چۆڵ کەی

ئارەزووم دەفرۆشم

دلم هەراج دەکەم

وشەو متوو و میرووی شعرم،

دەکەمە تەنزیلات.

 

کەژال عەلی

 

‌ • نوسه‌ر:کەژال عەلی
1358جار بینراوه‌  ◊ کۆدی هه‌واڵ:1815
Share/Save/Bookmark

زۆربینراوترین سه‌ردێڕی هونه‌ر و که‌لتور‌